Paraire, te 5 o Hepetema, 1884.
Pootitanga Tiamana.

Te Puke Te AO.—E Te Tumuaki. E hiahia ana ahau kite whai kupu rua rua nei mo tenei take e whakahaerea nei ara mo te whakatu itetehi Tiamana mo te Paremete nei. Ki taku whakaaro kaua tatou e pooti wehe-wehe mo tenei mea. Erangi me pooti kopurepure ahakoa no te taha kite Kawanatanga, no te taha Turaki ranei. Mehemea i he te mahi a Te Hemara iaia etu ana he Tiamana me mutu ia inaianci. Tena ko tenei. Kaore kau ona he; koia ahau imea ai. Ko ia ano hei Tiamana mo page 15tenei Whare. Kua mea etehi mema, me Tiamana hou, me tauhou ki nga mahi; heoi mehemea ka pena te tikanga ka waiho tenei Whare hei kura, a ka whiwhi tahi pea nga Maori kite matauranga ite mea ka akona ratou. Ki toku hiahia kaua e waiho tenei mea te whakatu Tiamana hei pakanga tau maro. Kaua epooti topu te taha Kawanatanga ki ta ratou tangata, a kaua hoki te taha turaki epooti topu kita ratou tangata. Erangi me pooti ia mema mo tana i pai ai. Kei kataina tatou. Titiro hoki ki te Tumuaki ehara ite mea na tetahi tahai whakatu erangi na te Whare katoa. Waihoki ko te Tiamana ma te Whare katoa ia e whakatu. Kaua e whakarere ia Te Hemara ite mea kaore ona he. Mehemea ihe tana whakahaere erangi tena. Otiia e tauhou ana matou. Ko koutou ko nga mema tawhito e noho mohio ana.