Paraire, te 10 o Oketopa, 1884.
Kura Maori I Kaipara.

Ko Ihaka Hakuene.—Ka patai ki te Minita mo nga Kura.—(1.) Mehemea ka whakaae te Kawanatanga kia whakaturia he kura mo nga tamariki Maori ki Kaihu Kaipara. (2.) Ko awhea hanga ai te Whare Kura ki Tangiteroria Wairoa? Kua rite ia Tito Kukupa te wahi hei tunga. Kua tae atu ia ki aua whenua ra, a e mohio ana ia he tokomaha nga tamariki Maori.

Te Taute.—Tana whakahoki. E kite ana te Kawanatanga he mea tika kia hanga he kura, heoi te mea hai rapurapu ko te wahi tika hei tunga. E tatari ana ki te kupu whakahoki a nga Maori ki te utua mai ka mahia te kura. Mo runga mo te kura kei Tangiteroria, te take i roa ai tera, na tetahi rangatira Maori i pupuru te whenua mo te kura, no runga no tetahi ririri mo te rori. Matua rite te whenua katahi ka ahei te Kawanatanga ki te whakatu te whare kura.