.gif)
Nga Korero Paramete: 1881-1885
Turei, te 7 o Oketopa, 1884
Turei, te 7 o Oketopa, 1884.
Kaiwhakaako Kura Maori.
H. K. Taiaroa.—Tana patai ki te minita mo nga kura, mehemea e tika ana ka whakahokia iho te utu mo nga kaiwhakaako kura Maori i muri iho i te tahi o nga ra o te marama nei.
Te Taute.—Tana kupu whakahoki kahore i whakaarohia kia whakahokia iho nga utu, otira e whiriwhiria ana e ratou a ka utua i runga i to ratou matauranga i runga hoki i te maha o nga tamariki e haere ana ki te kura, e whakaatu ana hoki ia e neke rawa ana nga utu o nga kaiwhakaako kura Maori i o nga pakeha, ara mehemea e whakahaerea ana i runga i te maha o nga tamariki puta noa i te koroni e tae ana ki nga kura.
Rori O Potopero.
H. K. Taiaroa.—Patai ki te Minita mo nga mahi nunui mehemea ka hoatu e te Kawanatanga ki runga i te pukapuka he moni hei whakaoti i te rori e haere atu ana i Potopero ki te kurae o Otakou.
Te Retitana.—Tana kupu whakahoki; i whakaarohia ano kia hoatu he moni ki runga i te pukapuka moni, otira me whiriwhiri e te Kawanatanga mehemea e tika ana kia whakahaerea nga moni i runga i taua rori i te mea kahore kia whakaturia te Rori Poari etahi tangata ranei hei kai titiro hei whakahau kia hanga nga wahi pakaru. Ka rua ka toru ranei nga tukunga moni mo tenei Rori a i runga i te kore tangata tuturu hei tiaki i taua mahi kihia i pai te whakahaere i nga moni. Te mahara te kawanatanga tera ratou e ahei ki te whakahau i nga Maori whai take ki tera rahui nui ki te whakatu Poari, a ma ta ratou tiaki i taua rori ka puta he painga kia ratou ano, mehemea e whakaputaina ana he tikanga penei ka hanga e te Kawanatanga nga wahi pakaru.