Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Paraire, te 3 o Oketopa, 1884

Paraire, te 3 o Oketopa, 1884.

Hoani Taipua Me Etahi Atu.

Te Puke Te Ao.—Ka patai ki te minita Maori e pehea te whakaaro a te page 25kawanatanga mo runga i te pitihana a Hoani Taipua me etahi atu i ripoatatia i te 29 o Akuhata 1883 e te Komiti tikanga Maori?

Te Paranihi.—Ka mea ko taua pitihana e tono ana mo te kainga Maori i Otaki kia whakahaere. Otiia kaore he mana mo te mahi pera erangi ki ta te Kawanatanga mohio ka ahei te whakahaere i raro i te Ture Takiwa Taone katahi ka whiwhi nga Maori ki nga tikanga pakeha.

Ture Whakatau I Nga Rahui O Te Tai Hauauru.

Te Puke Te Ao.—I mea e pa ana nga tikanga o tenei Pire ki nga Maori o tona takiwa no reira ka ki atu ia ki te minita Maori kia nukuhia te korerotanga tuarua o tenei Pire kia oti marire te whakamaori kia ahei ai nga Maori te titiro i nga tikauga o roto.

Ko Te Paranihi.—I mea kua maha nga ra e takoto ana te Pire i roto o nga ringaringa o nga kaiwhakamaori, erangi kua tono ia kia mohio kua pewheatia.

Ko Te Puke Te Ao.—I mea no te mea kua rongo ia ki nga korero a te mema mo Waitotara ka pai ia kia kite i te Pire i mua o te korerotanga tuarua, e mahara ana ia kahore e tika kia korerotia tuaruatia he tikanga penei i te mea e pa ana ki nga Maori engari kia kite marire nga mema Maori.

Nukuhia ana te korerotanga.