Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Rahui Maori O Te Waipounamu

Rahui Maori O Te Waipounamu.

H. K. Taiaroa.—Ka patai ki te Minita Maori mehemea ka whakaae te Kawanatanga kia homai tetahi Ture i tenei tunga o te Paremete kia taea ai nga Rahui Maori o te Waipounamu i karaatitia ki etahi kai-tiaki mo nga Maori i mua kia wehewehea ki ia tangata ki ia tangata. Ko te nuinga o nga Rahui o te Waipounamu i karaatitia kia tekau nga kai-tiaki mo ia Rahui. I whakaputaina aua Rahui i raro i "Te Ture Whenua Maori 1865" mau tonu i te hunga tahi tekau kaore ano kia wehewehea ki te nuinga o nga tangata no ratou aua whenua. A he nui te raruraru e takoto nei i runga i tenei ritenga i te mea kei te tikanga o te Ture heoti nga tangata e whaipaanga ana ko aua tangata o roto o nga karaati. E tino hiahia ana ahau kia homai e te Kawanatanga tetahi Pire hei whakatika i tenei mea.

Te Paranihi.—E kite ana te Kawanatanga he take nui tenei e tika ana ki runga ki nga tohutohu a te mema o te Waipounama otiia e manawapa ana te Kawanatanga i te kore taima pea mo te homai i tetahi Ture i tenei Paremete. Me ata whiriwhiri marire, he take ahua taimaha.