Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Te Kaunihera. — Ture, 10 o Hune, 1884. — Penihana a Rapata Wahawaha

Te Kaunihera.
Ture, 10 o Hune, 1884.
Penihana a Rapata Wahawaha.

Wi Tako Ngatata.—I hiahia ki te korero kupu ruarua nei mo te take kei te aroaro o te Kaunihera. I te wa e nui ana nga raruraru kei tenei motu ka atawhai te Kawanatanga ki ona hoa. A he tika ano kia awhina i era tangata i piri mai i te wa o te whawhai. E tautoko ana ahau i te motini a Kanara Witimoa. E he ana te whakaiti i nga penihana inaianei me whakaaro ki te mahi nui a nga tangata hapai i te Kuini i mua. Heaha te take i puta te honore a te Kawanatanga kia Te Kooti ki te tangata kohuru i nga wahine me nga tamariki? Kua whakahonoretia e ratou tenei tangata, kua murua nga penihana a nga tangata kaha ki te awhina i te Kawanatanga i mua. E hara i te mea i tono a Rapata ki nga honore o te Koroni, kaore, erangi he mea hoatu ki a ia e te Kawanatanga i mua. I pena ano te mahi he mo maua ko Te Mokena Kohere, kaore rawa he take. Ka tino tautokona e au te motini a Te Witimoa. Ara 1: "Kia Whakaaturia mai te ritenga mo te whakaitinga o te penihana a Ropata Wahawaha i te £400, ki te £100 mo te tau. 2. Kia whakaaturia mai nga pukapuka mo te hokonga o tetahi paamu mo Te Kooti te tangata kua murua ona hara."