Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Wenerei, te 11 o Hurae, 1883. — Te Rori Haere Atu i Potopero — Ki Otakou Heeti

Wenerei, te 11 o Hurae, 1883.
Te Rori Haere Atu i Potopero
Ki Otakou Heeti.

H. K. Taiaroa.—He patai taku ki te Minita mo nga Mahi Nunui mehemea ranei ka whakaritea e ia etahi moni ki roto ki nga Pukapuka Moni hei whakaoti i te rori haere atu i Potopero ki Otakou Heeti? I whakaritea ano he moni i mua hei hanga i taua rori engari kihai i oti i aua moni na ko nga tangata e haere ana i taua wahi i Potopero ki Otakou Heeti e haere ke ana ma runga i toku whenua, notemea hoki ka ki te tai kaore he ara ke atu hei haerenga.

Kaore aku whakahe mo te haere a te tangata i runga i toku wahi engari ki taku whakaaro he mea tika ano kia whakapaia te rori.

Heoi ano te wahi o te rori i oti i to moni tuatahi e wha putu pea na kaore e kaha nga kaata ki to haere.

page 8

Te Honihana.—Ko taku whakahoki atu tenei, ko tena takiwa pena ano me etahi atu takiwa o te Koroni, kei te tika ano i runga i te ture kia whai moni hei whakaoti i tena raina rori; Engari ma nga tangata utu reiti e noho ana i roto i tena takiwa, ae hiahia ana kia hanga he rori hei painga mo ratou, ma ratou ano e whakarite haere nga moni e pau ana i te hanganga o taua rori, ara, hei tena wa ka whakarite i tetahi wahi, hei tena wa ka whakarite ano a rite katoa. E kore e awhina atu te Kawanatanga i runga i etahi huarahi ke atu.