Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Wenerei, te 27 o Hune, 1883

Wenerei, te 27 o Hune, 1883.

Nga Rakau Kauri.

H. M. Tawhi.—He patai taku ki te Kawanatanga mehemea ratou ka whakaae kia hokona nga rakau kauri o runga i nga whenua a te Kawanatanga i roto i te Kaute o Hokianga, a ki te hokona me kore e hoatu etahi wahi o nga moni e puta ana mai i aua hoko ki te Kaute Kaunihera o Hokianga. Te take o taku patai he kai na te ahi i nga rakau kauri o runga i nga whenua a te Kawanatanga i Hokianga; na ka takoto aua rakau nei e kainga ana e te tunga kaore a roa ka pirau. E pau ana i te ahi e rua te kau eka, kotahi te kau eka, e rima eka i te weranga kotahi a i te wa kua hinga nga rakau e kainga ana e te huhu kore tikanga noa iho aua rakau.

Te Roretana.—Ki taku whakaaro i runga i te tu o te ture e kore e taea ta te mema e tono mai nei.

Whare Turoro Mo Hokianga.

H. M. Tawhai.—He patai taku ki te Kawanatanga mehemea ranei tera ratou e whakatu i tetahi Whare Turoro ki te Taone o Hokianga a kia whakaritea he wahi ki reira mo taua Whare. Kaore ano tetahi Whare pera i tu ki Hokianga mo nga Rata ki te mahi i a ratou. I tonoa ano tenei mea e nga Maori i te taenga ake o tetahi o nga Minita ki tera takiwa. I tono ratou kia whakaturia he Whare turoro ki reira mo nga tangata mate.

Tiki.—Kua oti ano i te Minita mo nga Whenua te whakarite tetahi tukunga Whare pera i reira, engari kaore ano te Kawanatanga i tino marama he take ano ranei kia whakaturia he Whare turoro ki reira. Kaore ano kia whiriwhiria tetaha ki nga moni e taea ai, a, kihai ano hoki kia takoto mai nga take hei whakaarahanga Whare pera e tahuri ai te Kawanatanga ki te whiriwhiri.