Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Tureti, te21 o Akuhata, 1883. — Pire Kainga Maori i Taumutu

Tureti, te21 o Akuhata, 1883.
Pire Kainga Maori i Taumutu.

H. K. Taiaroa.—He patai taku ki te Minita mo te taha Maori, mehemea ranei ka ruri katoatia e te Kawanatanga nga piihi i te kupu apiti o "Te Pire Kainga Maori i Taumutu"? Te take i patai ai au i tenei patai ko nga Maori i pa ana ki tera whenua kua tono mai ki au kia whai kupu atu au ki te Kawanatanga kia whakatuturutia nga rohe o taua whenua, kia mohio ai ratou ki te tino takotoranga o te rohe. Kei te wehi ratou kei eke atu ki runga ki nga tekihana a nga Pakeha notemea kua ngaro noa te ruri tawhito o tera whenua, tetahi kei te hiahia ratou kia mohio i nga wahi hei haerenga mo nga awakeri.

Te Paraihe.—Mo runga i tenei patai kua kiia mia ki au kaore he tikanga kia mahia nga ruri, ka tae noatia atu nga rohe te whakamarama me te ata tohutohu i runga ano i te whenua, a tena ano au e mea kia penatia. Na mo te hiahia o nga Maori kia mohio ki nga wahi mo nga awakeri e kore au a kaha ki te ki atu, notemea ahakoa kei te Kawanatanga ano te mana mahi pera i page 16raro i te ture, era ano e meatia nga awakeri ki nga wahi ano e tika ana.