Paraire, te3 o Akuhata, 1883.
Te Pitihana A Wahanui Me
Etahi Atu.

I whakatakotoria e Kanara Timipara ki te aroaro o te Whare te whakataunga a te Komiti mo nga Mea Maori i te pitihana a Wahanui, a Rewi, a Taonui me etahi atu e 412.

Meiha Te Wheoro.—He kupu ruarua ano aku mo runga i tenei pitihana; e tono ana hoki nga kai-pitihana kia whakamanaia o ratou take ki nga whenua e takoto ana i roto i nga rohe e whakahuatia nei i roto i te pitihana. He whakaaro naku kei pohehe pea te Whare ki nga rohe o aua whenua no reira au ka ki atu e hara anake i aua iwi e wha e whakahuatia na i roto i te pitihana aua whenua. Tera ano etahi atu iwi e whai take ana ki era whenua. Kei te mohio au ki nga rohe e korerotia ana i roto i tena pitihana, timata i Kawhia ka haere; na, e hiahia ana au ki te whakaatu ki tenei Whare e hara a Kawhia i a Ngatimaniapoto anake, kei roto ano a Waikato i tera whenua, na Waikato hoki i tango i a Te Rauparaha i runga i te rau-patu. Otiia e kore au e korero i naianei i nga tikanga kotoa o te pitihana, ka tatari rawa ano au kia tae mai nga pukapuka a era atu iwi ki tenei Whare hei reira au korero ai i nga ritenga katoa o tenei mea. page 11Kaore aku kupu mo te nuinga atu o te pitihana e pa na ki nga whakahaere a te Kooti Whenua Maori me etahi atu tikanga notemea kei te rite katoa nga whakaaro o te iwi Maori mo runga i ena. Engari ko tenei me waiho, taihoa ano au ka roa e whai kupu ana mo tenei pitiana.