Nga Rahui O Mawhera.

H. K. Taiaroa.—He patai taku ki te Minita mo te Taha Maori mehemea ranei ka whakahau te Kawanatanga i te Kawana kia whakaputa karauna karaati mo nga Rahui o Mawhera i Kereimauta?

Te Paraihe.—Kua maha nga pataitanga i tenei patai, a, kua oti ano i au te whakamarama nga tikanga. Ki taku whakaaro kaore he tikanga ki nga Maori o te puta o aua karauna karaati notemea ko aua whenua i naianei kei raro i te Ture Rahui Maori. E kore a taea aua karaati te whakaputa penei me etahi atu karaati, notemea ko nga whakataunga mo tetahi wahi ke o nga rahui, kaore i whakataua mehemea na he whenua e tau ana i tera takiwa ki te Karauna te mana. Ki taku whakaaro e kore ano e raruraru te whakaputa karauna karaati no te mea kaore e kitea e au tona whai tikangatanga. Ko te Pire i tukua mai i tera tau i ki ano kia puta aua karauna karaati, e kore taua Pire e tukua mai i tenei tau engari ka homai he Pire e uru ana aua tikanga ki roto me etahi atu hoki; a maku e whiriwhiri kia hoatu ranei he kupu ki roto page 10hei whakaputa i aua karaati kia kore ranei.