.gif)
Nga Korero Paramete: 1881-1885
Te Rori O Rakaia Ki Taumutu
Te Rori O Rakaia Ki Taumutu.
H. K. Taiaroa.—E patai ara au ki te Kawanatanga mehemea ka hoatu e ratou he moni ki runga ki nga pukupuka rarangi moni hei mahi i te rori o te taha moana haere atu i Rakaia ki Taumutu? Te take i patai ai au he rori hoki tera era e tau he pai ki te katoa. Ko taua rori e haere ana i tetahi wahi o te one e iwa te kau maero te roa, engari i te mea kaore ano kia hangaia taua rori kaore e ahei nga kaata me nga mea pera ki te haere ma reira. I tae tonu au ki tera wahi e mohio ana au ki reira, a e mohio ana hoki ki nga tangata o reira e mahi ana i o ratou whenua, na kaore he ara e puta ai ki te makete a ratou mea e whakatipu ana. E tika ana kia aroha hoki, te Kawanatanga ki nga Pakeha e noho ana i tera takiwa, no reira au ka hiahia kia hangaia he rori ki reira hei painga mo aua tangata kua korero ake nei.
Te Honehana.—He aha ra te tikanga i patai mai te mema nei a Taiaroa i tenei patai, notemea kei te mohio ia kua oti i te Kawatanga tetahi Ture hei awhinia i ena tu mea, ara, i nga hunga whakahaere takiwa i runga i nga mahi rori penei me tenei e pataitia mai nei, no reira, e kore e ahei te Kawanatanga ki te whakarite i etahi moni motuhake hei whakahaere mo nga mahi pera o roto i nga takiwa i te mea hoki kei te marama noa atu te huarahi i runga i te ture. Heoi ano taku kupu whakahoki, ki te awhina atu te Kawanatanga me haere ke tona awhina i runga i nga tikanga o te Ture mahi i nga Rori me nga Piriti.