Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Taite, te 1 o Hune. 1882

Taite, te 1 o Hune. 1882.

Omarunui Me Waipawa.

H. Tomoana, tana patai ki te Kawanatanga, ka pehea ratou mo runga i te whakataunga a te Komiti mo nga mea Maori o tera tau mo runga i te pitihana mo Omarunui, a whea hoki te mahia ai; mo runga hoki i te pitihana mo Waipawa?

Te Paraihe, tana kupu whakahoki. E rua ena putake be mea tawhito he tikanga nui hoki kua whakatoputia e te rangatira na ki roto ki tana patai kotahi. Kaore ano te Kawanatanga kia mahi i tetabi tikanga mo Omarunui e taea ai te ki he mahi whakaoti i taua raruraru. Kua mohio te Kawanatanga inaianei ki etahi mea e pa ana ki taua raruraru, e whaitikanga at kia ata tupato ta matou page 11whakahaere mo tera. Ko te kupu whakahoki mo te patai tuatahi, kaore ano kia mahia tera, engari kei te ata whiriwhiria mariretia e te Kawanatanga inaianei. Ko tetahi patai—ara mo te rahui i Waipawa—kei te mohio mai ano te Mema rangatira na, i maharatia ka tae rawa atu tetahi Minita o te Kawanatanga ki reira ki te whakariterite i te tautohe a nga Maori e pa ana ki etahi taha o aua whenua, kua karaatitia nei kia Haringi. I hiahia ano te Kawanatanga kia peratia, a me ki atu ano au, i whakaaro ano maua ko Te Roretana kia haere atu maua i Akarana ki Nepia, ki te whiriwhiri i tetahi huarahi e oti pai ai pea taua raruraru. Kua rite rawa maua mo te haere, puta ake ana i taua wa te raruraru i te Kawanatanga, haere tonu mai ana maua ki Poneke, kaore i tae atu ki Nepia. Koira te take i kore ai matou e tahuri ki te whakariterite i taua raruraru. Engari ka tahuri ano te Kawanatanga ki te whakaoti i ta matou hiahia i araia nei e taua raruraru o te Kawanatanga.

Harete Waharoa.

Meiha Te Wheoro.—Tana patai ki te Kawanatanga. Kei te pehea to ratou whakaaro mo te whakataunga a te Komiti mo nga mea Maori i runga i te pitihana a Harete Waharoa? I te tuuga o te Roretana hei Minita mo te Taha Maori, i ki mai ia ka ata whiriwhiria e te Kawanatanga te ripoata a te Komiti mo nga mea Maori. No naianei kua tu ano a te Paraihe, i mahara ai aua he tika kia pataia atu tenei.

Te Paraihe.—Tana whakahoki mai, kua roa nga mahinga me nga whiriwhiringa mo taua take e pataia mai nei, a ki taku mohio kua penei te putanga, ara:— Kua pai te haere, a tera pea e mutu pai i roto i enei wiki e haere tata ake nei. Kaore au i te mohio he tika te mahara i whakawehiwehia nga Maori kia hoko i etahi wahi o aua whenua. Engari e tika ana kia whakaaturia i runga i tenei pitihana, kaore ano kia kitea i roto i nga whiriwhiringa e whaitake ana te kai pitihana ki taua wahi. Kaore hoki tona ingoa i roto i nga rarangi ingoa o nga tangata e whaitikanga ana kia pa ki etahi whenua i reira, a mehemea hoki e whaitake ana ano ia, me wehe ke te whiriwhiringa i ana take.