.gif)
Nga Korero Paramete: 1881-1885
Wenerei, te6 o Hepetema, 1882
Wenerei, te6 o Hepetema, 1882.
Poraka O Kakiraawa.
H. Tomoana.—He Patai taku kite Kawanatanga Mehemea ranei ka utu ratou i te wahi o taua whenua i tangohia nei mo te reriwe ara, taua whenua i hokona nei e Waata raua ko Paama i te tau 1876. Kua marama atu ano i taku patai i roto i taku reta i tuhia atu ki te Minita mo nga Mahi Nunui. Kua tono nga tanga o roto i te Karauna Karaati kia utua ratou, na, kaore ratou e mohio ki te take i kore ai e homai aua moni. Kaore au i te mohio na te Kawanatanga ranei te he, na etahi tangata ranei o waho, engari e hiahia aua au kia marama mai i te Minita te whakahoki mai i taku patai.
Te Honehana (Minita mo nga Mahi Nunui).—Kaore au i te mohio he mea whakararuraru tenei na tetahi tangata o waho; engari he nui ano te raruraru o nga whenua i tangohia mo te rerewe i Nepia; kua waiho era mea ma Te Pirihi e whakaotioti, a, kua roa e takoto ana i a ia: Ko te nuinga o aua tono kua oti i a ia, a, era hoki tenei e oti i a ia; tera au e tahuri ki te mahi i tenei mea.
Poraka o Omarunui.
H. Tomoana (i te mea e ngaro ana a Te Hoomu).—He tono taku ki te Kawanatanga mehema ranei ka mahi ratou kia mana te ripoata a te Komiti mo nga Mea Maori mo te Poraka o Omarunui, i roto i te Takiwa o Haaki Pei?
Te Paraihe.—Kei te mohio tonu te mema na a Tomoana kua mahi nui te Kawanatanga ki te whakaoti i te kupu whakatau a te Komiti, engari kihai i taea. I te mutunga mai o tera Paramete i whakahaerea ano e te Kawanatanga taua mea i runga i tetahi reta a Te Penetana i tae mai ki te Kawanatanga, a kua tukua nei ki runga ki te Teepu o Te Whare. Kei te mohio tonu hoki te mema na, a Tomoana, i whai kupu au ki a ia i waho o tenei Whare, i roto hoki; ara, taku kupu ki a ia he mea atu kia kawea tana korero ki te aroaro o te Komiti kia whiriwhiria mai ano i runga i tenei ahua hou; na kaore i whakaae te mema na ki taku kupu tohutohu ki a ia. I tae rawa te Kawanaga ki te arai i te Putanga o te Karauna Karaati kia ahei ai te mema na, a Tomoana, ki te kawe i taua korero ki te aroaro o te Komiti mahi ai kaore i te mohiotia i tika ranei te arai i taua Karauna Karaati, engari i peratia mo te taha ano ki nga hoa o te mema na. Kua pau i te Kawanatanga nga huarahi katoa, heoi i te mea ka ngoikore me mema na ki nga tohutohu a te Kawanatanga, kaore hoki he mea ke atu, tera e unuhia te arai mo te Karauna Karaati.