Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Pire Wehewehenga Whenua — Maori

Pire Wehewehenga Whenua
Maori.

H. M. Tawhai, E te Tumuaki, i te tunga o te Minita mo te taha Maori ki te whaikorero mo runga i te Pire Rahui Whenua Maori, ki ana ia e haere tahi ana enei pire e rua; engari kua kite au i naianei e ki ana te rarangi tuarua e kore tenei e pa ki nga Rahui Maori. Kaore au e kite i te paanga o tenei Pire ki te Pire Rahui. Na te Minita mo te taha Maori i tuku mai enei Pire e rua, engari kaore tenei rarangi tuarua i te rite ki te kupu i kiia mai nei e ia. I korero mai ia i aua kupu kia whakaaetia ai tana Pire e nga mema, a pooti pohehe ana rotou. Ki taku titiro e rite tonu ana enei Pire e rua, a kotahi tonu taku tikanga whakahe mo aua Pire. Kei le pai te ingoa o te Pire engari ko nga tikanga o roto e haere ana ki ta te Minita mo te taha Maori e hiahia nei kia utu reiti nga whenua Maori. Ka pera ano aku korero me era i korerotia atu ra e au mo runga i te Pire Rahui Whenua Maori, i huihui tahi matou me etahi Maori i roto i tetahi whare i te taone nei kitea ana e matou e kore enei Pire e rite ki ta matou e hiahia ai. I tu ake au ki te korero mo te rarangi kua whakahuatia ake nei. I ki hoki te Minita mo te taha Maori me haere tahi aua Pire e rua, engari kua kite iho au i te rarangi tuarua e mea ana e kore tenei Pire e pa ki nga rahui Maori.

H. Tomoana.—Ko aku korero mo tenei Pire ka waiho e au mo te tukunga atu ki te Komiti. Kei reira au whaki ai i aku whakaaro tuku atu ai hoki i etahi menemana.

Paahitia ana te korero tuarua o tenei Pire.