Wenerei, te 26 o Hurae, 1882.
Omarunui.

H. Tomoana, E patai ana au ki te Minita mo te taha Maori, he pehea te whakaaro a te Kawanatanga mo te reta a te Penetana Tumuaki o nga Kai-whakawa page 44mo Omarunui, i tuhia i te 13 o Oketopa, 1881; mehemea ranei ka whakahaerea i runga i te tohutohu a te Penetana? I patai atu au i tenei mo runga i te reta a te Penetana Tumuaki o nga Kai-whakawa, i panuitia ra e au ki te Ware i te 18 o nga ra o Hurae.

Te Paraihe, ko taua whenua kei raro i te Ture Tuku Whenua, no reira i kore ai he karaati mo taua whenua, natemea ma te tuku whakakore ra ano i te karaati ka taea ai te tuku ki raro ki taua Ture. I raro i enei tikanga e kore e taea te whakarite i nga kupu tohutohu o roto o te reta o te Penetana Tumuaki o nga Kai-whakawa. Me ki atu ano au kua whiriwhiria ano aua mea e te Kawanatanga, engari e mahara ana au koira ano te hurahi tika i tohutohua atu ra e au i mua ake nei ki te mema na. Kua maha uga whiriwhiringa o tenei take e te Komiti Maori, engari i runga i te taenga mai o etahi mea hou ki te Kawanatanga i muri mai i ta ratou ripoata o tera tau, e mahara ana au he mea tika kia tukua atu ano taua mea kia whiriwhiria ano e te Komiti, kia whakataua ano e taua Komiti. I tohutohu atu ano au ki te mema na kia korerotia e ia i roto i te Komiti mo nga mea Maori kia whakahokia atu ano taua pitihana ki te Komiti, kia whakahokia atu ranei i runga i tetahi atu haurahi, a e mahara tonu ana au ko tera ano te huarahi tika.