Mane, te 24 o Hnrae, 1882.
Kia Whakahokia Nga Moni
I Tangohia i Runga i Nga
Kai-Mahi a Te Kawanatanga.

H. M. Tawhai.—Tenei ahau ka tu atu i muri i te Minita mo te Taha Maori, notemea ki te tu he Kawanatanga hou tera ahau e karangatia hei Minitia Maori. Ka whaaki atu abau i nga take i whai kupu ai au mo tenei motini. Ki taku mohio ko te tikanga o tenei motini he mea kia whakahokia e te Kawanatanga nga moni i tangohia e ratou i runga i a ratou kaimahi o roto i te Koroni nei, na i runga i taku whakarongo ki nga korero o roto i tenei motini kaore i te kitea e ahau he wahi e haere ana ki te whakaora i nga Maori kai-mahi a te Kawanatanga kua whakakorea nei, kaore hoki tenei motini i te mea kia whakabokia nga moni i tangohia i runga i a ratou; mehemea i whai whakaaro te Mema mo Waipawa ki nga tangata o te iwi Maori e mahi ana i te mahi Kawanatanga, ara nga Ateha, a i whakaurua e ia ki roto ki tona motini, tena ano ahau e mahara he aroha tona ki nga iwi e rua o tenei Koroni. Engari i runga i taku titiro mo te iwi Pakeha anake tona motini ka mea ahau me turaki ahau i tona motini. He aba ahau kia aroha ai ki a ia i te mea e arohatia ana e ia ko te taha kotahi anake, a ka whakarerea e ia te taha ki au? Ki taku whakaaro he kape ta tenei motini i te iwi Maori kia waiho ma ratou ano e whaiwhai o ratou mate, koia nei nga take i tu ai ahau ki runga ki te whakaatu i te huarahi o taku pooti, ara, he ki atu taku ki te Whare ka pooti ahau kia hinga te motini a te Mema mo Waipawa. Mehemea i puta he aroha ona i roto i tona motini ki nga iwi o tenei Koroni katoa tena ano pea ahau e huri atu ki te tautoko i tona motini.