Taite te 20 o Hurae, 1882.
Rahui Maori I Pitoitoi Me
Te Awaroa.

H. M. Tawhai.—Ka patai au, e pehea ana te whakaaro a te Kawanatanga mo te whakataunga o te komiti mo nga mea Maori i tetahi Paremete, kia wehea page 43etahi Rahui Maori i Pitoitoi me te Awaroa, i te reriwe o Akarana ki Kaipara? I tuku pitihana ano nga Maori o taua takiwa ki te Whare nei, whiriwhiria ana taua pitihana e te komiti Maori i te 25 o Hepetema, 1877. I inoi ratou i roto i taua pitihana kia wehea he rahui mo nga Maori i te Awaroa me Waitemata. Me panui atu e au tetahi pito o taua ripoata a te komiti, e penei ana nga kupu:— "Engari kua kitea e tika ana i whakaae ano a Te Hiana i te wa i homai at te whenua kia whakatapua he wahi unga ki uta mo nga Maori i te teihana i te Awaroa i te teihana i Waitemate a kia whakaturia hoki he whare hei nohoanga mo nga Maori e haere ana i runga i te reriwe. E ki kaha atu ana te komiti kia tere tonu te whakaea i aua kupu whakaaetanga ra." No naianei, ko te reriwe o Waitemata ki Pitoitoi kua haere ma tetahi ara ke. E hiahia ana au kia whakatutururawatia te whakataunga a te komiti, kia rahuitia he teihana mo nga Maori ki Kaipara me Waipapa i Akarana.

Te Paraihe.—Kaore i panuitia katoatia mai e te mema na te ripoata a te komiti mo nga mea Maori mo runga i taua mea, me panui katoa atu e au taua ripoata, kei reira kite ai ia kaore i pera te ngawari o te whakataunga me tana i whakaatu nei ki te Whare. E penei ana taua ripoata:—"E ki ana nga kai-pitihana he mea hoatu noa e ratou te whenua mo te reriwe i waenganui o te Awaroa o Pitoitoi kahore he utu, i runga i te whakaritenga kia haere utu kore nga Maori i runga i te reriwe, kia whakaturia hoki he whare mo ratou a e ki ana ratou kua hapa ratou i enei mea e rua koia ratou i tono ai kia whakaputaina he ora kia ratou." "Kua whakahaua ahau kia ki penei atu au ki te Whare:—Kahore rawa he take mo te kupu e ki nei i whakaaetia kia haere utu kore nga Maori i runga i te reriwe mo nga tau e toru i runga i ta ratou hoatu noa i nga whenua mo te huarahi o te reriwa ki Kaipara. Engari kua kitea e tika ana i whakaae ano a Te Hiana i te wa i homai ai te whenua kia whakatapua he wahi unga ki uta mo nga Maori i te teihana i te Awaroa i te teihana i Waitemata a kia whakaturia hoki he whare hei nohoanga mo nga Maori e haere ana i runga i te reriwe. E ki kaha atu ana te komiti kia tere tonu te whakaea i aua kupu whakaaetanga ra."