Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Turei, te 11 o Hurae, 1882. — Te Raiti I Whangawehi

Turei, te 11 o Hurae, 1882.
Te Raiti I Whangawehi.

H. Tomona.—E patai ana au ki te Kawanatanga, mehemea e mohio ana ratou page 38kua wera i te ahi te whare o te tangata kaitiaki o te raiti i Whangawehi, mehemea hoki ka hanga houtia taua whare hei painga mo nga kaipuke e tika atu ana ma reira? Kua maha nga tau e tu ana te raiti ki reira, e hara i te mea he raiti hei painga mo nga kaipuke nunui engari hei oranga mo nga kaipuke ririki e haere ana ki reira i te mea e kaha ana te hau i waho. He mea pai taua raiti hei oranga mo nga kaipuke natemea he wahi kowhatu a reira. Kua rongo au inaianei ki nga Maori o reira kua wera te whare o te raiti, no reira i patai atu ai au ki te Kawanatanga mehemea ka hanga houtia taua whare kia ka ai ano te raiti i reira.

Meiha Akitini, tana whakahoki, kaore te Kawanatanga i rongo kua wera taua whare. He mea whakarite na te Kawanatanga kia utua te £40, i te tau ki etahi tangata e noho ana i taua takiwa kia tiakina te raiti kia ka tonu ai i reira, ko taua whare na aua tangata ake. No reira, mehemea kua wera taua whare e kore e hanga houtia e te Kawanatanga.