Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Rahui Kura Maori I Te Awamutu Me Taupiri

Rahui Kura Maori I Te Awamutu Me Taupiri.

Meiha Te Wheoro. Tana patai ki te Minita mo nga Kura. Kei te pewhea te takoto o nga whenua rahui i hoatu e nga Maori hei kura whakaako i nga tamariki Maori i Kohanga Taupiri me Te Awamutu; kei a wai aua rahui, a ko wai hoki kei te whakahaere, na tewhea mana i whakarereke te tikanga o aua rahui? Ko te tikanga o tenei patai mo etahi whenua i hoatu e nga rangatira Maori hei kura. Kaore nga Maori i te mohio kei te peheatia ranei te whakahaere o aua rahui, kaore hoki i te mohio kei te peheatia aua whenua i hoatu nei e ratou hei kura whakaako i o ratou tamariki. Kaore i mahia he kura ma nga tamariki o nga tangata na ratou nei i hoatu aua whenua hei kura mo a ratou tamariki.

Te Tiki.—Tana kupu whakahoki. E hara enei whenua i te whenua kei te Kawanatanga nei te tikanga whakahaere Engari he whenua ke enei kei te Hahi Mihingare, na taua hahi aua whenua, kei a ratou hoki nga tikanga whakahaere. Engari ka taea ano e au te whakaatu i te mahinga o aua rahui inaianei. Ko te whenua i Te Awamutu kei te retia mo te £100—i te tau, a kei[gap — reason: damage] te utua aua moni mo te kuranga o nga tamariki Maori me nga hawhe-kaihe o Waikato me te takiwa ki te Kiingi. Kei Panere i Akarana e kura ana, e iwa nga tamariki kei reira. I whakamaramatia mai ano e te Paro Minita, i tana tunga ki te whakapuaki korero ki te aroaro o te Komihana mo nga Kura i te tau 1879. Ko te whenua i Taupiri kaore i te riihitia, engari ko te wahi iti anake kotahi page 22te kau ma rima eka kei te reti i runga i te utu iti noaiho. E rua nga tukunga i tenei whenua kia riihitia i muri mai i te tau 1879, engari kaore ano kia tae atu he tono i runga i te utu tika hei reti.