Nga Korero Paramete: 1881-1885
Mahi Tupeka
Mahi Tupeka.
H. M. Tawhai, tana patai ki te Minita mo te taha Maori, mehemea ranei e whakaae te Kawanatanga ki te tuku pukapuka ki nga Maori i runga i te reo maori hei whakaatu i te whakatipunga me te mahinga o te tupeka?
Te Paraihe, tana kupu whakahoki kaore te Kawanatanga i te kite tikanga kia mahia enei tu pukapuka, e rua hoki nga take: ko te tuatahi, kaoro i te maharatia he huarahi tika tenei hei maki i te mea e hiahiatia nei e te mema na; tetahi take, ka taea noatia atu e nga Maori te mahi kia whakamaoritia nga pukapuka pakeha mo runga i nga mahi tupeka. I roto i enei tau i te akona tonutia nga tamariki Maori ki te reo pakeha anake, a kua ngawari noaiho te huarahi hei whakamaoritanga mo ana pukapuka. Kei te makara hoki to Kawanatanga e kore e tahuri nga Maori ki te mahi tupeka i runga i te tukunga atu o aua tu pukapuka.