Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Paraire, te 16 o Hepetema, 1881. — Te Pitihana A Mahurehure

Paraire, te 16 o Hepetema, 1881.
Te Pitihana A Mahurehure.

H. M. Tawhai, tana patai ki te Kawanatanga; kua pehea ratou mo runga i te pitihana a Mahurehure o te tau 1880, i mea te Komiti mo nga mea Maori, me panui e te Kawanatanga kia mohio ai nga Maori o tenei motu o Aotearoa, e ahei noa atu ana ratou ki te tono kia tiakina e te Kooti? Whenua Maori o ratou take ki nga hiinga ika me nga paru moana.

Te Roretana tana whakahoki; I te whiriwhiri au i nga tikanga mo runga i tenei patai, a ki taku whakaaro me taku i kite ai, kei te mohio ano nga Maori e taea ana e ratou te tuku i enei tu take ki te Kooti Whenua Maori. I tukua ano tetahi whakawa penei ki te Kooti Whenua Maori i te Teemu i etahi tau kua pahure ake nei. Ki taku whakaaro, koia nei te tino huarahi tika kua mahia nei e te rangatira e patai mai ana ki au, ara hei huarahi panui ki nga Maori kia mohio ai ratou, ka taea noa tia atu e ratou te tuku i o ratou tono penei ki te Kooti Whenua Maori.