Wenerei, te 31 o Akuhata, 1881.
Pire Whakarite Hou I Nga Takiwa Pooti Mema.

Meiha Te Wheoro.—He kupu ano taku mo runga i nga korero a Te Pirimia i korero nei ia, mo tana Pire i tera tau kia whakatokomahatia nga mema Maori. I te tukunga mai o te Pire a Te Pirimia i tu au ki tewhakahe. Kotahi anake te wahi i whakahe ai au, ko te meatanga me tuhi rawa nga ingoa o nga Maori ki runga ki te rouru pooti; he penei hoki te tikanga o taua mea ko nga Maori e kore ana o ratou ingoai runga i te rouru, e kore e whai mana ki te pooti. Ko etahi wahi o taua Pire i whakaae au. Mehemea hoki i hia-page 27hia to Kawanatanga ki to whakatokomaha i nga mema Maori kua taea tonu e ratou te homai he mema hou mo matou, ara, te whakatuturu tonu mai kia hia ranei nga mema hou. He nui nga mema i whakaaro e kore e whakaae te Whare ki te tikanga whakatokomaha mema mo te Maori, engari kaore ano kia whakamatautia. Mehemea e ki tuturu ana te Kawanatanga i roto i tenei Whare ka whakatokomahatia e ratou nga mema Maori tera tatou akite i te korenga i te peheatanga ranei. Kei te noho mate matou nga mema Maori i tenei Whare, no te mea he tokoiti matou. Ko te tahi mate o matou kei to matou pooti, ki te pooti matou ki tetahi taha ka riri tetahi taha, a ka pooti atu ki reira ka riri hoki tetahi, na ki te puta matou ki waho ki te kore e pooti, ka riri nga taha e rua ki a matou, ka ki kaore matou e tahuri ana ki te mahi i nga mea o te Whare. Heoi hoki ta matou puta ki waho kia kore matou e waiho hei riri ma tetahi taha, ma tetahi taha. He mate tawhito tenei no matou, no te tunga tuatahi mai ra ano o nga mema Maori ki tenei Whare; pena haere tonu te kupu mo matou a na wai ra kua kiia tonu e tetahi mema o tenei Whare kia whakakorea rawatia to matou tunga mema. He tuhua noa atu nga kupu e pangaia mai ana ki runga ki a matou. E ki ana etahi mema e patipatitia ana matou, e whakawehiwehia ana, e ahatia atu ana ranei; heoi e noho taurekareka rawa atu ana matou i runga i enei korero. Taku kupu atu ki tenei Whare kaore rawa au e riro ana i te patipati, heoi ano te kaiarahi i au ko oku whakaaro anake ki toku iwi. Ko to matou mate ko te mate kua pa i naianei ki nga mema o Whakatu, engari he ohorere rawa te paanga ki a ratou. Kua roa noa atu matou e mate ana, i pa whakarere to ratou. Kei te tangi ratou i naianei mo to ratou mematanga. Kei te aroha au ki a ratou ko te mea ki taku whakaaro he tika ta ratou, ka tika ano ratou kia tangi i te mea kua tangohia e to ratou rioga—na te matua ano i hoatu te aporo ki a ratou na te matua ano i tango, koi na te take e tangi nei ratou. E hiahia ana nga tamariki kia mau tonu ta ratou aporo, whai hoki ko matou nei e hiahia ana kia homai atu ano he aporo ki a matou. Ko taku kupu tenei waiho nga mema o Whakatu kaua e whakaitia ratou; erangi ka ki ata au ki nga mema o tenei Whare "Homai ano etahi atu mema mo matou" e mohio ana hoki au kaore he tikanga e tono atu ai ki te Kawanatanga no te mea kua oti i a ratou te ki e kore ratou e homai mema hou mo matou. Heoi aku kupu ko tenei, kei te aroha au ki nga mema o Whakatu.