Nga Korero Paramete: 1881-1885
Turei, te 30 o Akuhata, 1881
Turei, te 30 o Akuhata, 1881.
H. Tomoana, patai ki te Kawanatanga, Kua pehea ta ratou whakahaere mo runga i te pitihana a Iene Tapihana, i whakataua ra e te Komiti mo nga mea Maori i te 25 o Hune, 1880, kia tukua atu ma te Kawanatanga e whiriwhiri?
Te Roretana, tana kupu whakahoki, E toru te kau ma iwa eka kua whakaritea i Te Puke mo Iene Tapihana i runga i te kupu whakaae a Te Makarini.
Kura Maori
H. K. Tawhai, tana patai ki tc Kawanatanga; No ehea nga moni e tukua nei hei hanga i nga Kura Maori, hei utu hoki i nga kai-whakaako mo aua Kura o Aotearoa me te Waipounamu? E hiahia ana nga Maori o taku takiwa kia mohio ratou no hea ranei aua moni e utua ana e te Kawanatanga mo aua Kura Maori.
Te Tiki, tana kupu whakahoki; ko te nuinga o aua moni e pootitia ana e te Whare i ia taui ia tau. He moni iti e tae ana ki te £100—i te tau e puta mai ana i te 2000 eka i Hokanui.
Tautohe Whenua I Waipawa.
H. Tomoana, patai ki te Kawanatanga; Mehemea ka tukua mai e ratou he Pire hei whakamana i te whakataunga a te Komiti o nga mea Maori mo runga i te Pitihana a nga Maori o Waipawa, mo te whenua i te raana a Haringi?
Te Roretana, tana kupu whakakahoki; Kua mahia tetahi pire mo taua mea, a kua tonoa hoki kia whakaaetia te tukunga ki te Whare.