Turei, te 23 o Akuhata, 1881.
Te Pire Kura.

H. M. Tawhai, e hiahia ana au ki te whakaatu ki te Whare nei ka pooti au ki tenei Pire. E whakatika ana au i tenei Pire, e mea ana hoki kia akona nga tamariki ki te Karaipiture. E rongo ana au e whakahengia ana te korero i te Paipera natemea he maha nga hahi, a e rereke ana a ratou whakaaro. E wehi ana etahi hahi kei whakaakona a ratou tamariki e nga kai-whakaako a etahi atu hahi, no reira i kore ai e whakaae kia korerotia te Paipera. Ki taku whakaaro kahore e tika kia waiho ko te rereketanga o nga hahi, hei take kia kaua ai e akona te Paipera i roto i nga kura. Ki au nei ko nga tikanga o roto o te Paipera nga tino tikanga hei ako atu ki nga tamariki, natemea he nui nga painga e tau kia ratou, hei whakahaere tika ia ratou i tenei ao. He maha nga mea tika i roto i te Paipera hei ako atu ki nga tamariki, he maha hoki nga tikanga o roto e tau ai te rangimarie kia ratou i nga ra e haere ake ana. Ka ki atu ano au ki te Whare, ka pooti au ki te tautoko i tenei Pire.