Taite, te 18 o Akuhata, 1881.
Te Pire Whakakore I Te Takoha Koura.

I tu nga mema o tenei Pire ki te ata-po, katahi ka tu atu a.

M. Tawhai.—E Te Tumuaki. I mahara au i te tuatahi i tukua mai e nga mema o nga takiwa koura tenei Pire kia pahitia, engari i tatari noa au i tenei po kia peratia a na wai ra kua rereke aku whakaaro i naianei. Mehemea hoki i mohio au era e penei te whakaroa haere a aua mema kua mau mai au i aku paraikete ki konei. I tenei po katoa i mau tonu au ki te whakatauki a te pakeha, ara: "Ko te puku-korero he hiriwa, ko te noho-puku he koura." Kaore e kitea e au te take i korero roa ai aua mema, heoi e korero ana pea kia rongo mai o ratou iwi pooti. Ki taku me pooti tonu inaianei kia wawe te mutu.

No konei ka tukua te Pire kia komititia.