Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

Turei, te 8 o Akuhata, 1905

Turei, te 8 o Akuhata, 1905.

No te hawhe paahi i te rua karaka ka noho te Pika ki runga ki tona nohonga.

Ka karakia te Whare.

Ka whakahaerea etahi mahi poto.

Matenga O Te Honore Hori Kerei Taiaroa.

Te Raiti Honore Te Hetana (the Right Hon. Mr. Seddon), (Pirimia).—E te Pika, i mua i te whakahaeretanga o nga mahi o tenei ra, me ki atu ahau, a te nohoanga ano o te Runanga Kaunihera ki taku mohio a te Turei pea o tenei wiki e haere ake nei, kua takoto te whakaaro a te Kawanatanga kia motinitia kia hiki nga Whare e rua hei tohu whakahonore mo te Honore Hori Kerei Taiaroa kua mate nei; a hei reira ka motinitia e au, ina motinitia kia hiki te Whare, kia paahitia he kupu mihi aroha a kia tukua atu hoki ki te pouaru a taua honore mema kua mate nei ratou ko nga mea kua paangia e te aitua. I runga i tena tikanga mahara e hiahiatia ana kia kotahi te hikitanga o nga Whare e rua hei tohu whakanui mo te honore mema kua mate atu nei. E tino mohio ana ahau e whakapuaki ana ahau i te whakaaro o nga honore mema katoa i ahau e ki atu nei kei te nui rawa to matou pouri mo te matenga o taua rangatira me taua honore mema o te Kaunihera.

Haere tonu nga mahi a te Whare, a no te rima meneti ki te rua karaka i te po ka hiki te Whare.