Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

Taite, te 26 o Oketopa, 1905. — Pire Mo Horowhenua Moana

Taite, te 26 o Oketopa, 1905.
Pire Mo Horowhenua Moana.

No tenei ra ka paahitia te panuitanga tuarua, te komititanga, me te panuitanga tuatoru o tenei Pire. Ka mutu tukuna atu ana ki te Runanga Kaunihera.

Na te Minita Maori i whakauru te Pire ki te Whare, me tana whakamarama atu, ko te tikanga o te Pire he whakatutuki i tetahi tikanga i whakariteritea e nga Maori no ratou te whenua me nga Pakeha o te Taone o Rewini (Levin), kia tuwhera ai te moana o Horowhenua ki nga iwi e rua.

No te tekau ma whitu meneti ki te toru karaka i te ata tu o te Paraire ka hike te Whare.