Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

Waikakahi Whenua Rahui

Waikakahi Whenua Rahui.

Tame Parata (mema mo nga Maori o Te Waipounamu).—Ka patai ahau ki te Minita mo nga Mahi Nunui, Mehemea kua timataria ranei te mahi o te awakeri rerenga wai i runga i te Rahui Maori e tata ana ki Waikakahi; a mehemea kaore ano, ka whakamaramatia mai ranei e ia he aha te take o te roa?

Honore Hooro Teone (Hon. Mr. Hall-Jones), (Minita mo nga Mahi Nunui).—Kua tukua te kanataraka mo taua mahi, a kua tae nga hoiho mahi a te Kai-tango kanataraka ki taua whenua, engari na te nui rawa o nga rangi ua me te ngaro o te whenua i te wai na reira kaore e taea te timata i taua mahi; koia tena te take i roa ai.