No te hawhe-paahi i te rua karaka ka noho te Pika ki runga ki tona nohoanga.

Ka karakia te Whare.

Whakatuwheratanga I Te Paremete.

Ka tae mai te karere a te Kawana ki te karanga kia haere atu nga mema honore ki te Whare o te Kaunihera Runanga.

Heoi haere ana nga mema o te Whare ratou ko te Pika ki te Kaunihera, me te haere ano o te Haihana o te Whare i mua i a ratou, a kaore i roa ki reira hoki ana ratou ki to ratou Whare.

Te Whai-Korero A Te Kawana.

Te Pika (Mr. Speaker).—I haere tatou nga mema o tenei Whare ki te Whare o te Kaunihera, i runga i te tono a te Kawana, a i pai te Kawana ki te whai-korero ki nga Whare e rua o te Runango Nui, a kia tino marama ai ta tatou hurihuri i nga korero a te Kawana mauria mai ana e au he tauira o ana kupu i whakapuaki ai, a i runga i nga tikanga o te Whare nei, tenei ka whakatakotoria e au taua tauira, i runga ano i o tatou nga Ruuri Pumau ki runga ki te teepu o te Whare.

Ka mutu, ka whakahaerea ko etahi mahi, a no te tekau meneti ki te toru karaka i te ahiahi ka hiki te Whare