Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

Turei, te 7 o Noema, 1904

Turei, te 7 o Noema, 1904.

No te tekau ma tahi karaka i te awatea ka noho te Pika ki runga ki tona nohoanga.

page 101

Ka karakia te Whare.

Ka whakahaerea etahi Pire me etahi mahi a te Whare ka tae ki te—

Pire Reiti Whenua Maori.

Ka kawea mai e nga Manatia (Managers) i whakaturia nei e te Whare mo runga i tenei Pire te ripoata a to ratou huihuinga (Conference) me nga mema o te Runanga Kaunihera

Te Honore Timi Kara (the Hon. Mr. Carroll), (Minita Maori).—Ka ki, i whakaae katoa te Runanga (Conference). E motini ana ahau, "Kia whakaaetia te ripoata."

Whakaaetia ana te motini.

Ka whakahaerea etahi atu Pire me etahi atu mahi a te Whare ka mutu ka tae ki—

Nga Mahi a Te Paremete O Te Tau1904.

Ka whakatakotoria e Te Pika ki runga ki te teepu o te Whare te rarangi e mau ake nei, hei whakaatu i nga mahi i mahia e te Paremete i tenei tau:—
1. Nga Komiti Motuhake
Mo nga mahi a te katoa24
Mo nga Pire a ia mema ake3
27
2. Nga Pire mo Katoa
Nga Pire kua whakaaetia e te Kingi80
Nga Pire kua puritia kia whakaaetia ra ano e te Kingi
Nga Pire kua whakarerea95
175
3. Nga Pire a nga Mema Ake
Nga Pire kua whakaaetia e te Kingi5
Nga Pire kua whakarerea
5
4. Nga Pitihana i tukua ki te Whare
A nga Pakeha859
A nga Maori98
957
5. Nga Pootitanga
I roto i te Whare104
I roto i te Komiti189
293
6. Nga Huinga o te Whare
Nga ra i noho ai82
Nga haora i noho ai684 h. 55 m.
7. Nga Pooti me nga Whakahaere
Nga patai ki nga Minita778
Nga putake i tuhituhia ki roto ki nga pukapuka o te Whare 1,408
2,186
8. Nga Ota mo nga Pukapuka56
9. Nga Pukapuka i Whakatakotoria ki runga ki te Teepu o te Whare
Mea whakahau62
Nga ritaana mo nga ota51
I runga i te Ture145
I runga i te whakaae31
Na te Pika1
290
Nga pukapuka i whakahaua kia perehitia180
Nga pukapuka kihai i whakahaua kia perehitia110
290
10. Nga Ripoata a nga Komiti Motuhake
Nga ripoata a te Komiti mo nga pitihana A tae atu ki te L83
Nga ripoata a te Komiti M tae atu ki te Z68
Nga ripoata a te Komiti mo nga Mea Maori125
Nga ripoata a te Komiti mo nga Whenua45
Nga ripoata a te Komiti mo nga Whenua Koura me nga Maina14
Nga ripoata a te Komiti mo nga Pire Takiwa41
Nga ripoata a te Komiti mo nga Reriwe25
A etahi atu Komiti73
474

Kupu Mihi.

Te Honore Te Waari (The Hon. Sir J. G. Ward), Minita mo nga Reriwe).—Ka mihi ki te Pika mo te pai o tana whakahaere i nga mahi o te Whare, ka mihi ano hoki ki te Tiamana o nga Komiti mo te pai o tana whakahaerea; a i muri i a ia ka tu ko.

Te Maihe (Mr. Massey), (mema mo Franklin).—Ka tautoko i nga kupu a Te Waari; me titiro a raua korero i roto i Hansard. I muri i tera ka tu ko.

Henare Kaihau (mema Maori mo te Tai Hauauru) — Ka ki, i te mea ko ahau anake te mema Maori kei konei i tenei po no reira e hiahia ana ahau mo te taha ki nga iwi Maori katoa puta noa i te motu nei ki te whakapuaki atu ki a koe i te nui rawa o te whakaaro aumihi me page 102te whakawhetai atu o toku ngakau ki a koe e te Pika mo te pai rawa o tau whakahaere i nga mahi o tenei Paremete e pa ana ki te iwi Maori o tenei koroni. E korero ana ahau mo te taha ki ahau ake me aku hoa mema Maori, e mohio ana ahau i nga wa i takahi matou i nga ruuri o te Whare i runga i to matou kuaretanga ki aua tikanga me to matou kore i ata marama i etahi wa ki te rerenga ketanga o te "paina ota" me te "kupu i pa ki te tinana," tino pai atu tau whai whakaaro mai me tou aroha ki a matou ina kite mai koe i o matou nei rarurarutanga pera. No reira e tino pai ana ahau ki te tautoko i nga kupu a te Minita mo nga Reriwe raua ko to Riira o te Apitihana. E ki atu ana hoki ahau taea noatia te mutunga o toku tu hei mema mo tenei Whare e kore rawa e warewaretia e au to pai to ngawari me to arohia ki ahau nei ki tenei mangai o tenei wehenga o nga iwi Maori o tenei motu.

I muri i a ia ka whai korero mihi ano etahi mema Pakeha, ka mutu, ka whakautua e te Pika raua ko te Tiamana o nga Komiti ka mihimihi ki[gap — reason: illegible] nga mema o te Whare, me titiro nga whai korero i Hansard.

Hikitanga O Te Whare.

I runga i te motini, "Me hiki te Whare i naianei," wahi ana te Whare a koia tenei te pooti e whai ake nei:—

I te Ae, 14.

  • Barber
  • Fisher
  • Fraser, W.
  • Herries
  • Hogg
  • Houston
  • Mander
  • McKenzie, R.
  • Millar
  • Thomson. J. C.
  • Ward
  • Wood.
  • Nga Kai-tatau.
  • Field
  • Witheford.

I te No, 12.

  • Allen, E. G.
  • Bedford
  • Buchanan
  • Ell
  • Herdman
  • Lang
  • Massey
  • McGowan
  • Moss
  • Vile.
  • Nga Kai-tatau.
  • Symes
  • Willis.

Te putanga, 2.

Heoi whakaaetia ana te motini.

No te tekau ma rima miniti te paahitanga o te waru karaka i te po o te Turei ka hiki te Whare ki tera tau.