Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

Wenerei, te 26 o Oketopa, 1904

Wenerei, te 26 o Oketopa, 1904.

No te hawhe-paahi i te rua karaka ka noho te Pika ki runga ki tona nohoanga.

Ka karakia te Whare.

Whenua Rahui Awhina Kura Maori.

Te Auhana (Mr. Houston), (mema mo Pei Whairangi).—Ka kawe mai i te ripoata a te Komiti mo nga Maori mo runga i te pitihana a te Mea o Mahitaone, me Ngarori Tamihana, me etahi atu, e inoi ana kia unuhia atu te Rahui a te Pihopa i roto i te tiakitanga, kia tukua hei nohoanga pupututanga ma te tangata. E motini ana ahau, Me takoto tenei ripoata ki runga ki te teepu, me tuku atu hoki ki te Kawanatanga kia uiuia.

Ku tu ake etahi mema ka whai korero, me titiro a ratou korero i roto i Hansard.

Paahitia ana te motini.

Haere tonu nga mahi a te Whare, a ka tae ki te pitihana a:—

Kipa Te Whatanui.

Te Maihe (Mr. Massey), (mema mo Franklin).—Ka patai ki re Kawanatanga, Mehemea ka whakatutukitia ranei e ratou nga ripoata a te Komiti mo nga Mea Maori o te tau 1894 me te tau 1897 mo [unclear: runga] i nga pitihana a Kipa te Whatanui—ara, "I runga i te mea e tino tika ana kua pa he mate ki te kai-pitihana i te mahi a te Kooti Whenua Maori, no reira ki te whakaaro a te Komiti me tuku atu tenei putake ki te Kawanatanga kia uiuia a kia whakaarohia paitia hoki?"

Te Honore Timi Kara (the Hon. Mr. Carroll), (Minita Maori).—Ka whakautu, Pena ano te whakautu mo tenei patai me te whakautu mo te patai penei ano a te honore mema o te Tai Hauauru i te rima o nga ra o te marama nei, "Kaore te Kawanatanga e whakaaro ana kia mahia he ture hei whakatutuki i tena pitihana."

Haere tonu nga mahi a te Whare, a no te rua karaka i te ata tu o te Taite ka hiki te Whare.