Nga Korero Paremete: 1904-1905
Te Akau Poraka
Te Akau Poraka.
Henare Kaihau (mema Maori mo te Tai Hauauru).—Ka patai ki te Minita Maori, Mehemea ka hanga e te Kawanatanga he ture i tenei tunga ano o te Paremete hei whakatutuki i te kupu tohutohu e mau nei i roto i te ripoata mo Te Akau poraka i tuhituhia e Henry Alfred Home Monro (Te Moanaroa) raua ko James Mackay (Hemi Make) nga Roiara Komihana i whakaturia i te marama o Pepuere i tenei tau hei uiui hei hanga ripoata hoki mo runga mo taua poraka?
page 86Te Honore Timi Kara (the Hon. Mr. Carroll), (Minita Maori).—Ka whakautu, Kei te whiriwhiri te Kawanatanga i naianei i tena take, ara kia mahia he ture mo taua mea.