Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

Paraire, te 26 o Akuhata, 1904

Paraire, te 26 o Akuhata, 1904.

No te hawhe-paahi i te rua karaka ka noho te Pika ki runga ki tona nohoanga.

Ka karakia te Whare.

Kapiti Moutere.

I runga i te motini a Te Tati (Mr. Duthie), (mema mo Poneke), whakahaua ana. Me whakatakoto ki te aroaro o te Whare he ritaana e whakaatu ana, mo runga mo te motu o Kapiti,—(1) Te ra me te take i hokona ai, nga wahi o tena whakaaro kua whakaotia, e whia i te rau nei nga mea kua matemate o nga tiia, me era atu kararehe i whakanohoia ki taua motu, me te ahua o nga tikanga e nohoia ana taua motu e nga tangata i muri mai o te hokonga, a kowai ma atu tangata; (2) nga ingoa o nga tenata i reira e noho ana i te wa i hokona ai taua motu, me nga eka i a ratou, me nga moni reti, me te wa o ia riihi kotahi a ratou e toe ana, me nga moni kapeteihana i utua ki ia tangata kotahi o ratou, me te ra i utua ai; (3) nga whakamaramatanga takitahi o nga moni i utua i te whakahaeretanga o te mahi whakakore atu i te mana o aua tenata, me nga ingoa o ia Ateha kotahi, me te roa o te wa i mahi ai me te moni i utua ai ki ia tangata kotahi o ratou; (4) nga moni i utua hei whakakore atu i te taitara Maori, me te kaute o nga moni katoa kua whakapaua mo taua motu tae mai ki naianei, me etahi moni katoa kei tua atu i ena mehemea kua keremetia; a (5) nga ingoa o nga Tari kua tiatingia ki runga ki a ratou te utunga o aua moni kua korerotia nei.

Haere tonu nga mahi a te Whare, a no te toru tekau miniti i muri i te paahitanga o te tahi karaka i te ata tu o te Hatarei ka hiki te Whare.