Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

Taite, te 27 o Oketopa, 1904

Taite, te 27 o Oketopa, 1904.

Patai A H. K. Taiaroa Ki A Te Honore Mahuta.

H. K. Taiaroa.—I te mea i whakaturia he Komihana i runga i te kupu tohutohu mai a te Komiti mo nga Mea Maori o te Whare Runanga o te Paremete, hei ata whiriwhiri i nga putake katoa e pa ana ki te Akau Poraka—a kua ata whiriwhiria aua take e taua Komihana, me te pau nui o te moni i runga i taua mahi, me te whakaatu mai a te Komihana i tona kupu tuturu mo runga mo aua take. E whakaaro ana ranei te Kawanatanga kia tukuna mai he Pire i tenei huihuinga o te Paremete hei whakamana i te kupu tohutohu mai a taua Komihana?

Honore Piti (Minita).—I tae ano a te Honore Mahuta kia kite i te Pirimia mo runga mo tenei take, a kei te whiriwhiria mai e te Kawanatanga. No te marama o Hune kua hori ake nei i tuhia mai ai te ripoata a nga Komihana. Na te ngaro atu o te Minita mo te taha Maori i roa ai, engari kia hoki mai ia ka mohiotia ai te whakaaro o te Kawanatanga, kei reira te kitea ai mehemea ka taea te mahi mai he Pire i tenei Paremete. Ki taku mohio kua oti ano i te Minita mo te taha Maori te mahi mai he Pire, engari hoki kaore au i te tino mohio.

Nga Maori Whenua Kore o Te Waipounamu.

H. K. Taiaroa. — He patai atu tenei naku ki te Minita (te Honore Piti): Mehemea e whakaaro ana te Kawanatanga ki te mahi Pire mai hei whakahaere tikanga mo nga Maori e noho whenua kore ana i Te Waipounamu, hei whakamana kia whakaputaina atu nga take ki a ratou mo o ratou rahui.

Honore Piti. — E hiahia ana te Kawanatanga ki te tuku Pire mai, a kei te mahia mai e te Minita mo te taha Maori.