Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1904-1905

E te Pika me nga Mema o te Whare o nga Mangai o te Iwi,—

E te Pika me nga Mema o te Whare o nga Mangai o te Iwi,—

E ahei ana ahau ki te mihi atu ki a koutou mo te u rawa me te mau o te tupu haere o nga moni o te koroni, e takoto nei i naianei, ki ta aku Kaitohutohu wha-kaatu mai ki ahau, kei te rite tonu te kaha me te ora i naianei ki tona ahua i roto i nga wa katoa o enei tau e rua tekau ma rima kua hori ake nei.

Ahakoa te nui rawa o te moni toenga o tera tau, kua hanga te Rarangi Moni i runga i te ata whakaaro marire kia pau iti nga moni, ta te mea he mahara tika, aha-koa ano kei roto i te ora e noho ana, kia kaua e wareware tera pea e kore te ora e mau tonu mo ake tonu atu.

Ka tukuna atu ki a koutou etahi kupu whakariterite e whakaatu ana ko te tino take i nui haere ai te maha o nga moni e whakapaua ana na runga na te whakatuu-nga o etahi tari hou. He maha o aua tari ka puta noa atu i nga moni e hua mai ana i runga i a ratou ake mahi, a ko te hipanga ake o nga moni e pau ana ka ea i te tupunga ake me te nuinga haeretanga o nga moni e hua mai ana.

Ko a tatou raruraru moni, ahakoa te uaua o te makete moni i Ranana, kua rite i runga i etahi ahuatanga e pai tahi ana ki te koroni me nga tangata tuku moni nama ki te iwi, a e koa ana hoki ahau ki te ki atu kaore kau rawa he take e wha-kanuia ai nga taumahatanga o te iwi.

E whakaaro ana aku Kai tohutohu kua tae tenei ki te wa tika hei whiri-wiringa i te korero kia whakanekenekehia ake nga utu a tau mo nga Tiati o te Hupirimi Kooti.