Tame Parata (mema mo nga Maori o Te Waipounamu). —Ka patai ki te Minita Maori mehemea ka whakaritengia e ia kia tu te Kooti Whenua Maori ki Waihopai, Invercargill, i ia ono marama hei whakawa i nga tono riiwhi tupapaku me era atu ahua mahi o te Kooti Whenua Maori e pa ana ki nga iwi Maori o taua takiwa?

Te Honore Timi Kara (the Hon. Mr. Carroll, Minita mo nga Mea Maori). —Kua pataia e au ki te Tari Kooti Whenua Maori te ahua o nga mahi e takoto ana i Waihopai hei mahinga ma te Kooti, a kua kitea e au e toru tekau ma tahi ano nga tono riiwhi tupapaku. e rua nga tono wewete here. No reira page 40kaore he tino take e tukua atu ai he Kooti ki reira i te iti rawa o nga mahi hei mahinga mana; engari ka pataia e au mehemea kaore ranei e taea e Te Pihopa (Mr. Bishop), tetahi o nga Kai-whakawa Tuturu o Te Waipounamu, te whakawa aua keehi.