Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

Taika Wai Ma Nga Maori O Te Waipounamu

Taika Wai Ma Nga Maori O Te Waipounamu.

Tame Parata (mema mo nga Maori o Te Waipounamu). —Ka patai ki te Minita Maori mehemea ka whakamanaia e ia te kupu i whakaaetia i tera tuunga o te Paremete kia whakaritea he taika wai ma nga Maori o Wairewa, me Rakiura (Stewart Island)? Kua tae tenei take ki te aroaro o te Tari Maori, a ki te tikanga me whakaoti tenei mea, he maha nga ripoata kua whakatakotoria atu ki taua Tari e whakaatu ana i te kino rawa atu o nga wai e inumia ana e aua Maori. Kua tae atu ano hoki te ripoata a Takuta Pomare ki te Kawanatanga mo runga i tenei take, me te ropu takiwa kua whai kupu pera ano. Koia ahau i mea ai me tahuri te Kawanatanga ki te hanga tikanga hei whakaora i taua mate.

Te Honore Timi Kara (the Hon. Mr. Carroll, Minita mo nga Mea Maori). —Ko te kupu i whakaaetia i tera tuunga o te Paremete i penei; ka hoatu he taika ma nga Maori o Wairewa; engari mehemea ka taea te hanga he wai rere mo taua kainga mo te £200, a kia £50 o taua £200 ma nga Maori e kohikohi, ki te pera he tikanga, hei reira ka tahuri hoki te Kawanatanga ki te mahi i taua wai. Kaati, ma te honore mema pea e whakaatu mai ki ahau a taihoa ake nei, mehemea ka rite ranei i nga Maori ta ratou wahi o taua moni kua whakahuatia. ake ra. Mo te taha ki te motu o Ruapuke. Me ata whakamarama mai ki ahau te nui o nga Maori me te take i tika ai kia whakawhiwhia ratou ki te taika wai. Ka pai noa atu ahau kia whakamaramatia mai e te mema honore te ahua o te takoto o tena take, a ona wa e taea ai e ia.

Tame Parata. —Ka patai, mehemea ka wkakaae ranei te Honore Minita ki te whakahau i tetahi apiha hei uiui i te ahua mo te taha ki Ruapuke?

Te Honore Timi Kara. —Ae.