Te Hanana (Mr. Hanan, mema mo Invercargill). —Ka patai ahau ki te Minita Hekeretari mo te Koroni, I te mea kua pau te hokohoko atu o nga pukapuka Korero Maori o namata i tuhia nei e Te Waiti, tera ranei e whakahaua e ia kia perehitia ano etahi kia maha?

Te Honore Ta Hohepa Te Waari (the Hon. Sir J. G. Ward, Hekeretari mo te Koroni). —Kei te whiriwhiria tenei mea i naianei.

Tame Parata (mema mo nga Maori o Te Waipounamu). —Ka patai kite Minita mo Nga Poutapeta, mehemea ka whakanohoia e ia kia rima tekau pauna ki runga ki te rarangi moni a te Kawanatanga hei awhina i te hanganga o tetahi whare hei poutapeta, hei terewhone hoki, ki Pukeetiraki, kei te taha o Huirapa Hooro, i te mea ka hoatu noa atu e te Runanga Maori te whenua hei tuunga, kaore he utu, me ta ratou ki tuturu ma ratou e kohikohi e hoatu tetahi rima tekau pauna moni hei utu i te hanganga o taua whare?

Te Honore Ta Hohepa Te Waari (the Hon. Sir J. G. Ward, Minita mo nga Poutapeta). —Ae, ka penatia.

Haere tonu nga mahi a te Whare, a no te rua tekau meneti te paahitanga o te tekau ma rua o nga haora i te po ka hiki te Whare.