Hone Heke (mema mo nga Maori o te Tai Tokerau). —Ka patai ahau ki te Minita mo nga Kura, Mehemea he tika ka hoatu ma te Poari mo nga Kura e whaka-haere te Kura Maori i Kawhia; a mehemea he tika, he aha te take i peratia ai? Koia tenei e whai ake nei te waea i tae mai ki au mo tenei take: "Kawhia.— Hone Heke, M.H.R., Poneke.—Kaore matou e whakaae kia tukua te Kura Maori i Kawhia ma te Poari mo nga Kura o te Takiwa ki Akarana e whakahaere.

—Taui Wetere."

Te Raiti Honore Te Hetana (the Right Hon. Mr. Seddon, Minita mo nga Kura). — Kua tono te Poari mo nga Kura o te Takiwa ki Akarana kia hoatu te Kura Maori o Kawhia ki raro i tona mana, a kua whakaaetia. Ki te whakaaro o te Tari mo nga Kura, he mea pai kia noho huihui nga tamariki Maori ratou ko nga tamariki Pakeha i roto i nga kura kia wawe ai te honohono o nga iwi e rua. Engari ka tuwhera tonu nga scholarships o te Kura i Tipene ki nga tamariki Maori o te Kura i Kawhia.

Hone Heke (mema mo nga Maori o te Tai Tokerau). —Ka patai ki te Minita page 85mo nga Hoia, Mehemea he tika ka tangohia tetahi wahi o Rotohokahoka Poraka, Rotorua, kei tuunga takete, ara, hei papa pupuhi raiwhara; a mehemea he tika, tera ranei e whakahaua e ia kia whaka-korea taua mea? Kei te whakawhitingia taua whenua e nga Maori nona ki te Kaunihera Whenua hei whakanohonoho ki te Pakeha.

Te Raiti Honore Te Hetana (the Right Hon. Mr. Seddon, Minita mo nga Hoia). —Kaore ano tetahi wahi o Roto-hokohoka Poraka, Rotorua, i tangohia hei papa pupuhi raiwhara. I whakahaua ano kia ruritia hei pera, engari no muri ka tae atu te kupu a te Kawanatanga kia whakamutua te ruri. E tika ana ano kia whaka-whiwhia nga tangata o reira ki tetahi papa pupuhi raiwhara ma ratou, otira me waiho taihoa e whakahaere.

Haere tonu etahi mahi a no te tahi karaka i te po, ka hiki te Whare.