Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

Turei, te 20 o Oketopa, 1903

page 84

Turei, te 20 o Oketopa, 1903.

No te hawhe-paahi i te rua karaka ka noho te Pika ki runga ki tono nohoanga.

Ka karakia te Whare.

Pire Mo Poukawa Rahui Maori.

No tenei ra ka takoto te motini, Kia whakaaetia nga menemana i whakaurua ki te Pire e te Komiti o te Whare Katoa.

Te Pereiha (Mr. A. L. D. Fraser, mema mo Nepia). —Ka tono ahau ki te Minita mo nga Mea Maori kia korero mai ki te Whare mehemea ka whakaae ia ki taku i tono atu ai i tera ahiahi, ara, kia whakaurua he rarangi ki roto ki te Pire nei e ahei ai te Kai-tiaki o te Katoa ki te whakahoki i te freehold o te whenua ki nga Maori nona, ina pan nga tau i riihitia ai taua whenua e te Kai-tiaki ki te Pakeha. Kei te mohio tatou, ko nga whenua Maori e takoto nei i raro i te mana o Te Ture Whakatau i nga Rahui o te Tai Hauauru kua pumau era ki te Kai-tiaki o te Katoa mo ake tonu atu, a kaore kau he rarangi i roto i taua Ture e ahei ai ia ki te whakahoki i te freehold ki nga tangata no ratou aua whenua. Na, ko nga tangata no ratou a Poukawa e rereke ana te ahua i nga Maori o te Tai Hauauru. I tenei tuunga o te Paremete kua whaka-tikatikaina e tatou te Ture Whakahaere i nga Whenua Maori, ara, kua whakaurua he rarangi e whai mana ai nga Maori ki te tuku tono ki te Kaunihera kia whakahokia te freehold o o ratou whenua ki a ratou ina pan nga tau o te riihi i tukua e te Kaunihera ki tetahi tangata. Na, he aha ra te take e kore ai e tika kia pera ano hoki he tikanga mo Poukawa? Ka tono au ki te Minita Maori kia whakaae mai ia ki te whakauru i tetahi menemana, penei te ahua me taku kua korero ake nei, ina uru te Pire ki te Runanga Kaunihera, e ahei ai te whakahoki o te whenua ki nga Maori, a e taka atu ai te mana o te Kai-tiaki, ina tae ki te ra e mohiotia ai kua matau nga Maori nona ki te whakahaere i to ratou whenua.

Te Honore Timi Kara (the Hon. Mr. Carroll. Minita Maori).

—Kua tae he kupu maku ki te Kai-tiaki o te Katoa mo te tono a te mema honore, engari kaore ano i whakahokia mai e taua tangata.

Otira kaore e roa ka tae mai tana kupu ki au.

Whakaaetia ana te motini, a panuitia tuatorutia ana te Pire.

Pire Whenua Maori.

No tenei ra ka tukua mai e te Kawana tenei Pire.

Te Raiti Honore Te Hetana (the Right Hon. Mr. Seddon, Pirimia). — Ka motini kia tahuri te Whare katoa apopo ki te Komiti i tenei Pire.

Whakaaetia ana te motini.

Haere tonu nga mahi, a no te tahi karaka i te po ka hiki te Whare.