No te hawhe-paahi i te rua karaka ka noho te Pika ki runga ki tona nohoanga.

Ka karakia te Whare.

Ture Whakahaere I Nga Whenua Maori, 1900.

I runga i te motini a Te Pereiha (Mr. A. L. D. Fraser, mema mo Nepia) ka whakahaua kia whakatakotoria ki te aroaro o te Whare he ritaana e whakaatu ana i nga moni katoa kua pau i raro i "Te Ture Whakahaere i Nga Whenua Maori, 1900," me ona ture whakatikatika; me te uru atu ki roto ki taua ritaana,—(1) Nga utu-a-tau, me era atu moni kua utua ki nga Tumuaki, me nga Teputi Tumuaki, me era atu mema o te Kaunihera, me nga karaka, me era atu apiha ranei, me nga utu haereere; (2) Nga utu o nga ruri katoa, hui atu ki nga ruri papatupu, me nga ruri wawahi, me te ata wehewehe ano i nga moni o ia poraka kotahi ; (3) Nga moni kua whakapaua ki runga ki ia poraka kotahi ; (4) Nga moni kua hua mai i runga i ia poraka kotahi; (5) Me te whakaatu mai mehemea no roto i te whea haupuranga moni nga moni i whakaputaina mo runga i aua take.

Nga Whenua Maori O Te Waipounamu.

I runga i te motini a Tame Parata (memamo nga Maori o Te Waipounamu).

—Ka whakahaua, kia whakatakotoria ki runga ki te teepu o te Whare he ritaana e whakaatu ana,—(1) Te wariu o nga whenua Maori katoa i te motu o Te Waipounamu, i raro o te wariutanga kua mutu ake nei; (2) Nga ingoa o ia tangata kotahi no ratou aua whenua; me te nama o ia tekiona i aua tangata, timata atu i Kaikoura, tae noa ki Rakiura me Ruapuke.

Haere tonu nga mahi a te Whare, a no te rua tekau meneti ki te tahi karaka i te poto ka hiki te Whare.