Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

Paraire, te 14 o Akuhata, 1903

Paraire, te 14 o Akuhata, 1903.

No te hawhe-paahi i te rua karaka ka noho te Pika ki runga ki tona nohoanga.

Ka karakia te Whare.

Ka whakahaerea to nga patai, ka roa e haere ana ka tae ki te patai mo—

Nga Mom O Te Whare Manuhiri Maori I Te Parewha.

Tame Parata (mema mo nga Maori o Te Waipounamu). —Ka patai ahau ki te Minita Maori, mehemea kua whakaarohia e ia te motini i paahitia e te Kaunihera Marae o Araiteuru e tono ana i te toenga o nga moni i pootitia i tera tau mo te whakaarahanga o te Whare Manuhiri i Te Parewha, kia whakapaua i tenei tau hei kari kia maroke ai, a hei whakapai hoki i te tekiona whenua e turia nei e taua whare: a mehemea ka whakaaturia ranei e ia ki te Whare nei he aha te moni i utua mo aua tekiona whenua ?

Te Honore Timi Kara (the Hon. Mr. Carroll, Minita Maori). — Kua whakaaturia atu e au ki te mema honore kaore kau he toenga moni. Te utu o te whenua £100, ko te moni o te kanataraka e £401 18s., hui katoa e £501 18s. I te taenga mai o tetahi reta a te mema honore i penei taku whakautu atu i taua reta ana:—

" He whakaatu tenei naku ki a koe, ko te moni o te Whare Manuhiri (hui atu ki te utu o te wheuua) kua neke atu i te rima rau pauna (£500), a e kore te Kawanatanga e kaha ki te whakapau i tetahi atu moni ki runga ki taua whare. Kaati, i te mea kua pera rawa te awhinatanga a te Kawanatanga, ma nga Maori e whakaoti atu nga mahi e toe ana, a tenei ka tumanako atu ahau tera e kitea e ratou he huarahi e oti ai nga mea e tika ana."

Ki taku mahara tera e rite ki taku te titoro a te mema honore, ara, i runga i tona ahua kaore e he te ki ma nga Maori ano e kari e whakapai taua tekiona kia maroke ai.

Haere tonu nga patai me etahi atu mahi a te Whare a no te tekau meneti ki te tahi karaka i te po ka hiki te Whare.