PITIHANA A WAIHEKE TUREIA ME ETAHI ATU.

Ripoata a te Komiti mo nga Mea Maori mo runga mo te Pitihana a "Wai-heke Tureia me etahi atu (Nama 12).

Mo runga mo te Pitihana a Waiheke Tureia me etahi atu, inoi mai kia tukuna atu he oranga mo ratou, i te mea kua tangohia o ratou whenua i raro i nga tikanga o " Te Ture Taone Maori, 1895," e penei ana te whakatau a te Komiti, ara:—

"E kitea ana e te Komiti kaore he mana i raro i taua Ture e taea ai te whakawhitiwhiti nga whenua i whaka-ritea mo ia mahi mo ia mahi. Engari ano inaianei i raro i nga tikanga o te Ture whakatikatika o tenei tau, katahi ka whaimana ki te mahi pera: no reira kua watea inaianei nga kai-pitihana ki te tono atu ki te Minita Maori kia whakatikatikaina nga mate kua whakaaturia mai nei e ratou.

"E mahara ana te Komiti ko te tika me tuku atu tenei pitihana ki te Kawanatanga kia ata whiriwhiria mai he tikanga, a ina tukuna atu taua pitihana ki te Kawanatanga ka meinga tera he tono atu tera na nga kai-pitihana kia whakaritea atu he oranga mo ratou.

"H. Wiremu, Tiamana."