Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

H. K. Taiaroa

H. K. Taiaroa. —E te Tumuaki, he motini tenei naku, "Kia whakatakotoria ki te teepu o te Kaunihera, i roto i nga ra kotahi tekau o nga ra tuatahi o tera huihuinga o te Paremete, nga rarangi moni o nga moni katoa i utua atu ki nga Kaunihera Maori o Arapaoa, o Mahunui, o Araiteuru (o te Waipounamu) hui atu ki nga moni e whakapaua ana e aua Kaunihera, me nga moni e toe ana ano ki a ratou." Ki taku mahara kaore he take e whakahe ai te Kaunihera ki tenei motini, he mea tika rawa hoki kia kite tatou i aua kaute moni, kia mohio atu ai hoki tatou ki nga mahi a aua Kaunihera. Tetahi hoki ma te ata titiro atu ki aua mahi a nga Kaunihera e ata mohio ai tatou ki te whiriwhiri i nga Pire e tukuna mai ana mo runga mo nga Kaunihera Maori. I whakaritea ano i roto i te tekiona 28 o te Ture Kaunihera Maori o te tau 1900, kia tukuna atu aua rarangi moni ki te Minita Maori i ia toru marama, a kei te tae atu ano ki a ia.