PITIHANA A HEN ARE TOMOANA

H. TOMOANA. —He motini tene naku, ara, Kia tonoa atu ki te Kawana-tanga kia ata whiriwhiria mai nga putake o roto o te Pitihana Nama 37 a henare Tomoana, i runga ano i te kupu tohutohu mai a te Komiti mo nga Mea Maori o roto o ta ratou whakataunga o te 20 o nga ra o Oketopa, 1899. Me whakama-rama atu e au ko te urupa e whakahuati atu nei e au i roto i tenei motini, ko te wahi tena i tanumia ai oku matua mo oka tupuna mai ano o mua. Ko nga kauma-tua rangatira katoa o toku iwi kua tanu-mia ki taua wahi mai ano o mua, kei reira ratou e takoto mai ana. He whe-nua onepu taua wahi no reira i mauria atu ai ki reira huna ai. No mua noatu i rahuitia ai taua wahi hei urupa, a i rahu tia ano hoki i te wa i whakaputama ai te karaati, a i waiho tonu hei urupa tae mai ki mua tata atu i te wa i tukuna mai ai e au taua pitihana. I taiapatia ano nga rohe o taua urupa i te wa i hokona ai te poraka nui ki te Pakeha, engari no enei tau ka kite au kua hinga te taiapa. kua tangohia atu, a kua haere nga kau me nga hipi a te Pakehai runga i taua Rahuipage 11 takatakahi haere ai. Koia tera te take i mauri mai ai e au taua pitihana. I rahuitia taua urupa i roto i te poraka nui o Mangateretere.