H. K. TAIAROA. —He patai atu tenei naku ki te Minita, Mo awhea rawa whaka-taua ai e te Kawanatanga te rahui 100 eka mo Taiaroa i Piopiotahi, i wha-kaaetia ra e Komihana Matara i te tau 1853 ? Kua maha ke aku pataigna atu i tenei patai i roto i tera Whare tae mai ki tenei Whare, a kua ahua hoha noaiho ahau. I tukuna mai ano e te Kawanatanga he rarangi whakarite mo taua rahui i roto i nga Pire Mana Motuhake i era atu tau, engari hoki e waiho ana aua Pire mo nga ra whakamutunga rawa o te Paremete a kore noaiho e mana taua rarangi. No reira au ka tono atu ai ki te Minita kia rapua he huarahi ke hei mahinga i tenei tau, kia whakaunia ki tetahi Pire ke atu, a kia kaua e waiho mo nga ra whakamutunga o te Pare mete mahi ai. A me tono atu au kia mauria mai he Pire motuhake hei wha-karite i taua mea kia taea ai te whakarite pai inaianei.