Paraire, te 13 o Nowema, 1903.
PIRE TUKU MA TE IWI E POOTI
MAI TONA WHAKAARO.

H. TOMOANA. —E te Tumuaki, e hiahia ana ahau ki te whaikupu atu mo runga mo nga tikanga o tenei Pire. I tukuna paitia mai te Pire nei i tera Whare, e hara i te mea huna, a kua mohio noatu tatou ki ona tikanga o roto. Ko enei kauwhau a nga mema kua korero nei he hanganoaiho, kaore rawa he tikanga, he moumou noaiho kaore rawa au i te mohio ki te take i korero roa ai a mema e kauwhau nei, he aha ra te kore ai e ki poto mai i tona whakaaro me tona pooti. Kaore i whaitikanga Ma roa nga korero, a ko etahi o nga mema kua oma ki waho kua waiho o ratou nohoanga. Kaore tahi he take e korero roa ai tatou, heoi ano taku nei kupu, ma aku puutu nei e kiki atu taua Pire ki waho o te Kaunihera. Ki te paahi tenei Pire ka whakakorea atu tenei Kaunihera, a ki te waiho ma te iwi e pooti nga Pire kati me hakiri atu a tatou Pire e mahi nei, kua kore hoki e whaitikanga a tatou mahi. Heoi ano taku, ka kikia atu e au tenei Pire.