Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paremete: 1902-1903

Kooti Whenua Maori Ki Whanganui

Kooti Whenua Maori Ki Whanganui

Te Wirihi (Mr. Willis, mema mo Whanganui). —Ka patai ahau ki te Minita mo nga Mea Maori, Mehemea ka whakaritea e ia kia tu te Kooti Whenua Maori ki Whanganui i mua o nga marama mahinga kai a nga Maori, notemea i te mutunga o te mahi hoko a te Kawanatanga i nga whenua Maori heoi te oranga o aua Maori ko a ratou mahi pera; notemea ki te tu te Kooti i nga marama o te mahi kai, heoi me whakarere rawa e nga Maori a ratou mahi kai katahi ka watea ratou ki te haere ki taua Kooti?

Timi Kara (Mr. Carroll, Minita mo nga Mea Maori). —Me ki atu ahau ki te page 29nema honore kei te Tumuaki o te Kooti Whenua Maori te mana ki te whakarite te taima e tu ai nga Kooti Whenua Maori, a ki te nui nga tono whakawa e cae ana ki te Kooti, a ka maharatia e tika ana kia whakaturia he Kooti hei mahi i aua tono, heoi ra ka whakahaua e te Tumuaki kia tu. Ka nui ano te tupato kei pa he mate ki nga Maori e whai paanga ana ki nga tono hei mahinga ma aua Kooti. Kei te tino whakaae atu ahau ki te kupu a te mema honore e ki nei me ata whakaaro ki te ahua o nga Maori nana nga keehi ka whakarite ai i te ra hei tuunga mo nga Kooti. Ko nga tuunga o nga Kooti i nga wahi katoa o te motu nei me whakarite i runga ano i te ata mahara ki te ora me te mate mo nga tangata Maori. Kei te tino pai atu te whakahaere o nga mahi a te Kooti Whenua i raro i nga Ture hou, kei te pai ke atu i te ahua o nga ra o mua, notemea kei te whakaritea e matou kia motuhake he takiwa mo ia Tiati kotahi, a mana e whakarite nga ra hei tuunga me nga wahi e tu ai nga Kooti i roto i tona takiwa, kia rite ai ki nga hiahia o nga iwi Maori na ratou nga keehi.

Haere tonu nga patai a mutu noa. Ka mutu era ka whakahaerea ko te Pire nama moni mo nga Mahi Nunui o te Koroni. Kihai i oti i taua po.

No te takanga ki te rua tekau meneti te paahitanga o te tekau ma rua karaka i te po, ka hiki te Whare.