Hone Heke (mema mo nga Maori o te Tai Tokerau). —Ka patai ahau ki te Minita mo nga Mea Maori, Kei te pehea te ahua o te mahi i nga whare manuhiri mo nga Maori e tae ana ki nga taone o Akarana, Taranaki, me Onehunga, ara, e patai ana ahau mehemea kua tata te oti aua whare, i ki hoki te Minita i tera tuunga o te Paremete tera e whakahaua aua whare kia mahia.

Timi Kara (Mr. Carroll, Minita mo nga Mea Maori). — Kaore ano aua whare i hanga, te take kaore ano i kitea e te Kawanatanga etahi waahi pai hei tuunga mo aua whare, engari kei te whakahaere te Kai-tiaki mo te Katoa i taua mahi i naianei, ara, kei te kimi ia i etahi piihi whenua pai hei tuunga mo aua whare.

Heoi haere tonu nga mahi a te Whare, a no te rua karaka i te po ka hiki te whare.